Почетна

Членката на Комисијата за спречување и заштита од дискриминација г-ѓа Флора Кадриу, учествуваше како панелистка на завршниот настан „Род и корупција?!“, организиран од Националната мрежа „Жените за жените“ и Организацијата на жените на Општина Велес. На настанот беа презентирани клучните резултати, наоди и препораки од имплементацијата на проектот „Интегрирање на родовите аспекти во напорите за борба против корупцијата“. Проектот е насочен кон интегрирање на родовата перспектива во националните и локалните антикорупциски политики, како и кон зајакнување на институционалните механизми за препознавање и адресирање на корупцијата што несразмерно ги погодува жените, вклучително и родово-специфичните форми на корупција, како што е сексторцијата.

Комисијата за спречување и заштита од дискриминација, до собраниската Комисија за образованите, наука и спорт и Комисијата за економски прашања, труд и енегретска политика, поднесе информација за потребата од измени и дополнувања на Законот за високо образование, со цел, отстранување на утврдена индиректна дискриминација кон вработените во приватните здравствени установи. Иницијативата се однесува за отстранување на нееднаквоста кон докторите по медицина кои се вработени во приватни здравствени установи, а кои се спречени да засноваат двоен работен однос, за разлика од докторите по медицина кои се вработени во јавните здравствени установи. Иницијативата е во продолжение.

Комисијата за спречување и заштита од дискриминација до собраниската Комисија за култура и туризам поднесе информација за потребата од измени и дополнувања за Законот за култура, со цел, отстранување на утврдена индиректна и продолжена дискриминација кон носителите за државни награди од областа на културата и уметноста. Иницијативата се однесува на нееднаквата, односно различна методологија за пресметување на висината на надоместокот на корисниците на  државните награди. Информацијата е во продолжение.